"აგენტი 007" ბრუნდება!


ჯეიმს ბონდი ბრუნდება! “ბონდი 24″-ის გადაღებები დეკემბერში დაიწყება. ცნობილი გახდა, რომ შემოქმედებით ჯგუფს დეივ ბატისტაც შეუერთდება, რომელიც, როგორც უკვე გითხარით, ფრანგ ლეა სეიდუსთან ერთად ითამაშებს.

ბატისტას მაყურებელი საუკეთესოდ იცნობს ბოლოდროინდელი კინოჰიტიდან “გალაქტიკის მცველები”, სადაც მსახიობი დრაქსის როლს ასრულებდა. როგორც ამბობენ, ბონდის დაბრუნებაში დეივი ძალიან, ძალიან ბოროტი იქნება :)

“ბონდი 24″-ის რეჟისორი სემ მენდესი იქნება. აგენტი 007-ის გადაღებებს დაუბრუნდება დენიელ კრეგიც. მასთან ერთად იქნებიან რორი კინიარი, ბენ უიშოუ, ნაომი ჰარისი და რალფ ფაინსიც.