5 კონფლიქტი, რომელმაც ჩვენი საყვარელი შოუების მიმართულება შეცვალა


მსახიობები, რეჟისორები, პროდიუსერები, გადამღები და შემოქმედებითი ჯგუფი – ადამიანები, რომლებიც ჩვენს საყვარელ შოუებს ქმნიან, ხშირად ერთმანეთს უპირისპირდებიან კიდეც. ტელეისტორიაში არსებობს რამდენიმე კონფლიქტი, რომელმაც ცნობილ სერიალებზე დიდი გავლენა იქონია და მათი მიმართულება მნიშვნელოვნად შეცვალა.

წარმოგიდგენთ 5 მათგანს:

ბელ-ეარის ახალი პრინცი

5 კონფლიქტი, რომელმაც ჩვენი საყვარელი შოუების მიმართულება შეცვალა

სიტკომი უილ სმიტის მონაწილეობით ტელეეკრანებზე 1990-1996 წლებში გადიოდა. მიუხედავად იმისა, რომ უილის პერსონაჟს დეიდა ვივიენთან (ჯანეტ ჰუბერტი) მშვენიერი ურთიერთობა ჰქონდა, რეალურ ცხოვრებაში მსახიობები ერთმანეთს საერთოდ ვერ ეწყობოდნენ. მათი დაპირისპირება 3 სეზონის მანძილზე გრძელდებოდა და საბოლოოდ ისეთი სახე მიიღო, რომ ჯანეტმა შოუ დატოვა. მისი ადგილი კი დაფნე რეიდმა დაიკავა.

მძიმე დანაშაული

5 კონფლიქტი, რომელმაც ჩვენი საყვარელი შოუების მიმართულება შეცვალა

ტუკო სალამანკას როლის შემსრულებელს, რეიმონდ კრუზს სერიალის შემქმნელებთან არაერთი პრობლემა ჰქონდა. საბოლოოდ, მან შოუ პირველი სეზონის დასრულებისთანავე დატოვა და სწორედ ამ მიზეზით სცენარისტებს მოუწიათ ჯესი ფინქმენის პერსონაჟისათვის უფრო დიდი დატვირთვა მიენიჭებინათ. ზოგი ჭირი მართლაც მარგებელია, რადგან დღესდღეობით ვეღარავის წარმოუდგენია მძიმე დანაშაული ბრაიან კრენსტონისა და აარონ პოლის არაჩვეულებრივი დუეტის გარეშე.

2,5 მამაკაცი

5 კონფლიქტი, რომელმაც ჩვენი საყვარელი შოუების მიმართულება შეცვალა

ჩარლი შინი სიტკომში 8 წლის განმავლობაში თამაშობდა, თუმცა ბოლოს მისი მოთხოვნები იმდენად აუტანელი გახდა, რომ შოუს შემქმნელებმა მისი ჩანაცვლება ეშტონ კაჩერით გადაწყვიტეს. მიუხედავად იმისა, რომ შინი იმ დროისათვის საკმაოდ მაღალ ჰონორარს იღებდა, ის მაინც მოითხოვდა ანაზღაურების გაზრდას და გადასაღებ მოედანზეც საშინლად იქცეოდა. ის ფაქტი, რომ მისი პერსონაჟი ორჯერ მოკლს, ალბათ, სწორედ იმაზე მიანიშნებს, თუ რამდენად სძულდათ შინი და როგორ უნდოდათ მისი თავიდან მოშორება.

ერთობა

5 კონფლიქტი, რომელმაც ჩვენი საყვარელი შოუების მიმართულება შეცვალა

შოუს შემქმნელი დენ ჰარმონი და მსახიობი ჩევი ჩეისი ერთმანეთს იმდენად ვერ იტანდნენ, რომ მათმა კონფლიქტმა საკმაოდ აგრესიული სახე მიიღო. მათ შორის შეურაცხმყოფელი მიმოწერა გაჩაღდა, რომელიც ჰარმონმა საჯაროდ გამოაქვეყნა. ამ ფაქტის შემდეგ, ჩეისმა სერიალში მონაწილეობაზე უარი განაცხადა, ჰარმონი კი მომდევნო ერთი სეზონის განმავლობაში შოუდან დაითხოვეს.

გრეის ანატომია

5 კონფლიქტი, რომელმაც ჩვენი საყვარელი შოუების მიმართულება შეცვალა

ექიმი პრესტონის სერიალიდან გაქრობამ თაყვანისმცემლებს გული ნამდვილად დასწყვიტა, თუმცა ამ ფაქტს საკმაოდ უსიამოვნო მიზეზი ედო საფუძვლად. როგორც აღმოჩნდა, ისაია ვაშინგტონი კოლეგების მიმართ უხეში საქციელითა და ჰომოფობიური ქცევით გამოირჩეოდა. სწორედ ამიტომ, მას შოუს დატოვება მოუხდა.

გაუზიარე მეგობრებს ♥