საუდის არაბეთში პირველი კინოთეატრი იხსნება


საუდის არაბეთში პირველი კინოთეატრი იხსნება

საუდის არაბეთში 35 წლის შემდეგ კინოთეატრი კვლავ გაიხსნება.

შეგახსენებთ, რომ გასული საუკუნის 80-იანი წლების დასაწყისში სპარსეთის ყურის ქვეყნებმა, ისლამისტების მოთხოვნით, კინოთეატრები ცოდვის მატარებელებად გამოაცხადეს და უკლებლივ ყველა დახურეს. საუდის არაბეთის ტახტის მემკვიდრემ, პრინც მუჰამედ ბინ სალმანმა ამ კანონის უგულებელყოფის ბრძანება გასცა და კინოთეატრების მასობრივი მშენებლობის გადაწყვეტილება მიიღო. როგორც უცხოური გამოცემების ჟურნალისტები იუწყებიან, მომდევნო 5 წლის განმავლობაში საუდის არაბეთში 40 კინოთეატრი აშენდება, ხოლო 2030 წლისთვის მათი რიცხვი 400-ს მიაღწევს.

ცნობისთვის, კინოთეატრების მამაკაცთა და ქალთა ნაწილებად დაყოფა არ მოხდება, მაგრამ ფილმის შინაარსის კონტროლი ჯერჯერობით მაინც მთავრობის ხელში დარჩება. კულუარებიდან ვიგებთ, რომ საუდის არაბეთში პირველ კინოთეატრს 18 აპრილს "შავი პანტერა" გახსნის.

ავტორი: ლუკა ალავიძე