კანის 71-ე კინოფესტივალზე "Netflix"-ის ფილმებს არ აჩვენებენ


კანის 71-ე კინოფესტივალზე "Netflix"-ის ფილმებს არ აჩვენებენ
ყველასთვის ცნობილი და გავლენიანი საერთაშორისო კინოფესტივალის რიგით 71-ე დაჯილდოვება 8-19 მაისს გაიმართება.

შეგახსენებთ, რომ 70-ე საიუბილეო დაჯილდოვების, ყველაზე საპატიო „ოქროს პალმის რტო“-ს მფლობელი გახდა შვედი რეჟისორი რუბენ ოსტლუნდი ფილმისთვის „the square”, ხოლო გრანპრი მიიღო ფილმმა „120 beats per minute”.

რამდენიმე დღის წინ, ორგანიზატორებმა პრესასთან ზემოთხსენებულ დაჯილდოვებაზე ისაუბრეს და ჟურნალისტებს ფესტივალის პროგრამა გააცნეს. საკონკურსო პროგრამაში შემავალი ფილმების სია კინოფესტივალის გენერალურმა დირექტორმა ტიერი ფრემომ გაასაჯაროვა. როგორც გავლენიანი გამოცემის ჟურნალისტები იუწყებიან, კანში ფესტივალს
ფილმი „Todos lo saben“ გახსნის(მთავარ როლებში პენელოპა კრუზი და ხავიერ ბარდემი).

ასევე გავრცელდა ინფორმაცია, რომ "Netflix"-ის ფილმებს კანის საკონკურსო სექციაში აღარ აჩვენებენ. როგორც მოგეხსენებათ , გასულ წელს კანის კინოფესტივალზე "Netflix"-ის ორი ფილმი „Okja“ და „The Meyerowitz Stories” იღებდა მონაწილეობას. ამ ფაქტმა კრიტიკოსების დიდი აღშფოთება გამოიწვია, რადგანაც ამ ფილმების ჩვენება კინოთეატრში არ მოხდება და დაინტერესებულ მაყურებელს მათი ხილვა მხოლოდ კომპიუტერებისა და სმარტფონების ეკრანზე შეეძლებათ.

ავტორი: თამარ გულუა