სნუპ დოგმა ფილმის გადაღების დროს მეთიუ მაკკონაჰის ნამდვილი მარიხუანა მოაწევინა


სნუპ დოგმა ფილმის გადაღების დროს მეთიუ მაკკონაჰის ნამდვილი მარიხუანა მოაწევინა


ოსკაროსანმა მსახიობმა, მეთიუ მაკკონაჰიმ, ჯიმი კიმელის ღამის შოუში სტუმრობისას, გაიხსენა, რომ კომედიური ჟანრის ფილმის The Beach Bum ერთ-ერთი სცენის გადაღებისას სნუპ დოგმა, რომელიც კინოსურათში ასევე მონაწილეობს, ორეგანოსგან დამზადებული კანაფის ბუტაფორია ნამდვილი მარიხუანით შეუცვალა.

რეჟისორი ჰარმონი კორინის ახალ კომედიაში 6-წუთიანი სცენის გადაღებისას, მაკკონაჰი, რომელიც ფილმში მთავარ როლს ასრულებს, სნუპ დოგის პერსონაჟთან "ჯადოსნური კანაფის" საყიდლად მიდის.

"ექვსწუთიან სცენას ვიღებდით, რომელშიც კანაფს ვეწეოდით. უცბად სნუპი მეუბნება - მუნდოგ [მაკკონაჰის გმირი], ეს არ არის ყალბი მოსაწევი, ეს სნუპის მარიხუანაა. მომდევნო ცხრა საათი განმავლობაში ბევრი ვიცინეთ. მგონი, ინგლისურ ენაზე არცერთი სიტყვა არ გვითქვამს".


The Beach Bum-ის პრემიერა 2018 წლის მეორე ნახევარში იგეგმება.

სნუპ დოგი კალიფორნიელი ჰიპ ჰოპ არტისტია, რომელმაც შემოქმედებითი მოღვაწეობა 1991 წელს დაიწყო. რეპერი ცნობილმა ამერიკელმა პროდიუსერმა დრემ აღმოაჩინა. მასთან ერთად სნუპმა სინგლში Deep Cover მიიღო მონაწილეობა. მუსიკოსმა 1993 წელს საკუთარი სტუდიური ნამუშევარი Doggystyle გამოსცა, რომელმაც პლატინის ხარისხი 4-ჯერ მოიპოვა. აღსანიშნავია ისიც, რომ სნუპი კარიერის მანძილზე გრემის სხვადასხვა ნომინაციაზე 17-ჯერ წარადგინეს, თუმცა, პრესტიჟული ჯილდოს მიღება რეპერმა ვერ შეძლო.

წყარო: popmusic.ge